Thursday, July 19, 2007

မောင်တောဒေသ ငါးပုစွန်ဒိုင်လုပ်ငန်းအကြောင်းတစ်စေ့တစ်စောင်း

နယ်စပ်ကုန်သွယ်မှုသတင်း (5 - 7 - 07)


မြန်မာ-ဘင်္ဂလားဒေ့ရ်ှနယ်စပ်ရှိ မောင်တောနယ်စပ်ကုန်သွယ်ရေးမှ တစ်ဆင့်တစ်ဖက် နိုင်ငံသို့ ပုဂ္ဂလိက ကုမ္ပဏီများကပုစွန်များတင်ပို့လျက်ရှိပါ သည်။ မောင်တောဒေသတွင် ပုစွန် သားပေါက် မွေးမြူခြင်းထက် ရေငန်ပုစွန်မွေးမြူရေးကို အဓိကထား ဆောင်ရွက်လျက်ရှိပါ သည်။ ရေငန်ပုစွန် များရရှိရေးအတွက် ပုစွန်ကန်များကို တာဖွင့်ထားပြီး ရေတက်လာသည့်အခါ ရေငန်ပုစွန်ပေါက်များ ပုစွန်ကန်များသို့ ၀င်ရောက်လာသောအခါမှ တာများကို ပြန်ပိတ်သည့် နည်းဖြင့်ရေငန်ပုစွန်များကို မွေးမြူထုတ်လုပ် တင်ပို့နေခြင်းဖြစ်ပါသည်။ မောင်တောဒေသတွင် ပုစွန်ကန် ၂၅၉၂ ကန် ရှိပြီး၊ ဧကအားဖြင့် ၁၅၃၁၁ ဒဿမ ၄၆ ဧကရှိကြောင်း၊ ခရိုင်ငါး လုပ်ငန်းဦးစီးဌာန၏ တွက်ချက်မှုအရ တစ်ဧကလျှင် ပျမ်းမျှထွက်ရှိနှုန်း ၇၀ ကီလိုခန့်ရှိ၍ နှစ်စဉ် ပုစွန်ကီလို ၁၀ သိန်းကျော်ခန့်ထွက်ရှိနိုင်ကြောင်းသိရသည်။ ကိုတာ (Quota )ခွဲတမ်းစနစ်ဖြင့် ကုမ္ပဏီများအား နယ်မြေအလိုက် တာဝန်ပေးပြီး တစ်ဧကကို ကီလို ၃၀ နှုန်းဖြင့် ပို့ကုန် ဆောင်ရွက်စေလျက်ရှိသဖြင့် ရေငန်ပုဇွန်များကို နှစ်စဉ်တိုးတက် တင်ပို့ နိုင်လျက်ရှိကြောင်း မောင်တောနယ်စပ် ကုန်သွယ်ရေးစခန်းမှ သတင်းရရှိသည်။

ဒေသအာဏာပိုင် နယ်စပ်ကုန်သွယ်ရေးဦးစီးဌာန၊ ငါးလုပ်ငန်းဦးစီးဌာန၊ ရေထွက် ပစ္စည်းထုတ်လုပ်သူ များနှင့် ပို့ကုန်လုပ်ငန်းရှင်များအသင်း၊ မြန်မာနိုင်ငံပုစွန်မွေးမြူရေးလုပ်ငန်း ရှင်များအသင်းတို့မှ တာဝန်ရှိသူများနှင့် မောင်တောငါးပုစွန်ဒိုင် ဖွင့်လှစ်ရေး ၂၀၀၆ ခုနှစ် အောက်တိုဘာလ ခန့်မှစတင်စည်းရုံးဆောင်ရွက်ခဲ့ရာ နိုင်ငံတော်မှ ရသင့်ရထိုက်သော အခွန် အခများ အပြည့်အ၀ရရှိရန် ရသင့်ရထိုက်သော ဈေးနှုန်းများကို ဖန်တီးပေးနိုင်သည့် ကုန်စည် ဒိုင်တစ်ခုပေါ်ပေါက်လာရန် မိမိဘက်ကမ်းတွင် ဈေးကွက်ဖြစ်ပေါ်ရန် ငါးပုစွန်စသည့်ရေထွက် ပစ္စည်းများနှင့် နိုင်ငံခြားဝင်ငွေရရှိနိုင်သော အခြားပို့ကုန်ပစ္စည်းများတိုးမြှင့်တင်ပို့ရန်၊ ရခိုင်ပြည် နယ်တွင် စီးပွားရေးအခန်း ကဏ္ဍဘက်စုံတိုးမြှင်လာစေ ရန်နှင့် ရခိုင်အမျိုးသားများ၏ အသိ ပညာ၊ အတတ်ပညာ များတိုးတက်မြင့်မား လာစေရေးစသည့် ရွည်ရွယ်ချက်များဖြင့် ၂၀၀၇ ခုနှစ် မေလနှောင်းပိုင်းတွင် ရခိုင်ပြည်နယ် စီးပွားရေး ဖွံ့ဖြိုးတိုးတက်ရေး ကုမ္ပဏီက မောင်တော မြို့နယ် တန် ၂၀ ကျ ဆင်ဖြူတော်ရေခဲစက်ဝင်း အတွင်း ငါးပုဇွန်ကုန်စည်ဒိုင်ကို ယာယီဖွင့် လှစ် နိုင်ခဲ့ပြီဖြစ်ကြောင်း သိရှိရသည်။

မောင်တောဒေသမှ တဖက်နိုင်ငံသို့ ရေငန်ပုဇွန်တင်ပို့နိုင်မှုမှာ နှစ်စဉ်တိုးတက်လျက် ရှိပြီး ပုစွန် အရွယ်အစားပေါ်မှုတည်၍ အမျိုးအစား ၅ မျိုးခွဲခြားရောင်းချပြီး၊ ပျမ်းမျှအားဖြင့် ၁ ကီလိုရောင်းဈေးမှာ ၂၀၀၅-၀၆ ဘဏ္ဍာနှစ်တွင်၆ ဒဿမ ၁၅၅ ဒေါ်လာနှုန်း ရရှိခဲ့ပြီး ၂၀၀၆-၀၇ ဘဏ္ဍာနှစ်တွင် ၆ ဒဿမ ၁၇၃ ဒေါ်လာနှုန်း ရရှိကြောင်းလည်း သိရှိရသည်။ ပုဇွန် တင်ပို့နိုင်မှုမှာ အောက်ပါအတိုင်းဖြစ်ကြောင်း သိရှိရသည် -


ကာလ ကီလို ဒေါ်လာ(တန်ဘိုး)
၂၀၀၅-၀၆ ၂၉၀၈၄၇ ၁၇၉၀၁၇၀
၂၀၀၆-၀၇ ၄၁၉၉၄၇ ၂၅၉၂၂၆၇
၂၀၀၇-၀၈ ၁၁၁၇၈၅ ၇၁၃၅၉၀
(ဇွန်လ ၂၅ ရက်ထိ)

KKCM

0 comments:

Template by : kendhin x-template.blogspot.com