ဒေါ်လာငှက်များ ဘယ်မှာနားပါ့မယ်

[** မြိတ်နယ် ပြည့်ဖြိုးထွန်းကုမ္ပဏီ ကျောက်ငါးစခန်း သို့ မိချမ်းဝေ ရဲ့ လေ့လာရေးခရီး ဆောင်းပါးကို ပြန်ကူးယူဖော်ပြထားတာပါ။ **]

ဝါ၊ နီ၊ ပြာ ဆေးသားလှလှချယ်ထားသော ရေယာဉ်သည် ကျန်းမာသန်စွမ်း လှပတင့်တယ်သော မိန်းမပျိုကလေးတယောက်၏ လှပကျော့ရှင်းမှုမျိုးဖြင့် ရေပြင်ထက်တွင် ႟ုန်းဆန့်ပြေးလွှားနေသည်။
ပြည်ဖြိုးထွန်းကုမ္ပဏီပိုင် P.P.T အမှတ်အသားပါ ယင်းစက်လှေသည် ကျွန်မတို့ ပင်လယ်ချစ်သူများကို တင်ဆောင်က မြိတ်ကျွန်းစု မော်တုန်းကြီး ကျေး႟ွာအနီး ကျောက်ငါးမွေးမြရြေးကန်များဆီသို့ ဦးတည်ခုတ်မောင်းနေသည်။

ကျွန်မက ရေမကူးတတ်ပေမယ့် ပင်လယ်ရေလမ်းခရီး သွားလာမှုကို မက်မောနှစ်ခြိုက်လှ၏။ ကျွန်မ မြိတ်တွင် တာဝန်ထမ်းဆောင်နေသည့် နှစ်ကာလတွေအတွင်း မြိတ်မှ မော်လမြိုင်၊ မြိတ်မှ ရန်ကုန်၊ မြိတ်မှ ကော့သောင်း စက်လှေများဖြင့် ရေလမ်းခရီးကို အခေါက်ခေါက်အခါခါ သွားခဲ့ရသည်။ လှိုင်းလေ၊ မုန်တိုင်းတို့နှင့် တခေါက်မဟုတ် တခေါက် ကြုံနေကျ။ ကြံတိုင်းလည်း မူးဝေ အော့အန် ကျွမ်းပြန်ဇောက်ထိုး အမူးမူးအမောမော ကြောက်႟ွံ့ခြင်းကြီးစွာ ခံစားရသည်။ ထိုသို့ ကြံတွေ့ပြီးတိုင်း နောင်တရ နောင်ကျဉ်းခြင်းမရှိ။ နောက်တဖန် ထိုခရီးမျိုးကြုံပါက မငြင်းမဆန် လိုက်ပါသည်ချည်းပင်။ ထိုသို့သွားရင်းနှင့်ပင် ရေလမ်းခရီးနှင့် ကျွန်မ အသားကျလာသည်။

[ Ref : Org Post - http://myanmarserver.com/Literary/lit0019/ ၂ဝဝ၃ ခုနှစ် ဇူလိုင်လမှာ နေရီရီစာအုပ် အမှတ် (၈) အဖြစ် ထုတ်ဝေတဲ့ ‘ပျိုးခင်းကိုဝင်နှင့် စာရေးသူစိတ်ကြိုက်’ စာအုပ်မှ]

ယခုလို ကောင်းကင်လည်းပြာ၊ ရေလွှာသင်ဖြူးခင်းနေသည့် အနေအထားဆိုလျှင်တော့ လှေစီးသည့်အရသာကို ဘာနှင့်မှမလဲချင်။ လှေသည် ရေဆန်ကို ထိုးခွဲနေပါက ဆန့်ကျင်ဘက်အရပ်မှလာသော လေကို ႟ှူရသည်မှာ အမောအပန်းပြေလျက် အားအင်ပြည့်ဖြိုးသလို ခံစားရလေ၏။

အလျားနှစ်ဆယ့်ငါးပေ အနံဆယ့်ရှစ်ပေ ဒေါ်လာတသောင်းနှစ်ထောင်တန် P.P.T စက်လှေပေါ်မှာတော့ လုပ်ငန်းရှင်သူဌေး ဦးလှသန်း၊ နယ်စပ်ကုန်သွယ်ရေး ဒု-ညွှန်မှုး ဦးသန်းထိုက်၊ မြိတ် စာနယ်ဇင်းအတွင်းရေးမှုး ဦးမြင့်သိမ်း (တက်ကသိုလ်ကိုလတ်)၊ ဆရာကျော်ရင်မြင့် (ဓနမဂ္ဂဇင်း) နှင့် ကျွန်မတို့ စီးနင်းလိုက်ပါလာကြ၏။ P.P.T သည် ကော့မွေကျွန်းစေတီ၊ ကုလားကျွန်း ကျွန်းတန်းရှည်နောက်မှ ခပ်နိမ့်နိမ့် ပြင်ထပ်အော်၊ သင်္ဃန်းအော်တို့ကို အလျားလိုက် ဖြတ်ကူးလာသည်။ လူမနေ၊ ငှက်မနား၊ လိပ်ငါးမခိုသည့် ကျွန်းဆင်းရဲကလေး ဘေးမှဖြတ်တော့ သဲတန်း၊ ကျောက်ဆောင်၊ ႟ွက်ခြောက်ပင်ကိုင်းအချို့ ထိုးထောင်နေသော ကျွန်းဆင်းရဲကို စာဖွဲ့သည့် ကဗျာဆရာ အမ်ဇွန်အောင်ကို အမှတ်ရသွားမိသည်။

ယခုလည်း တက်ကသိုလ်ကိုလတ်က ကျွန်းဆင်းရဲနှင့်ပတ်သက်ပြီး လတ်တလော ကဗျာစပ်ကာ ကျွန်မကို ကမ်းပေးသည်။ သူ့ကဗျာစာသားများကိုတော့ ကျွန်မ အလွတ်မရတော့ပါ။ လူမနေ၊ ငှက်မနား၊ လိပ်ငါးမခို အထီးကျန်လှပေမယ့် ကျွန်းဆင်းရဲကလေးကတော့ မေတ္တာဓာတ်အပြည့်နှင့် ဖြတ်သန်းသွားလာသူတို့ကို နားပါလှည့်၊ ခိုပါလှည့်ဟု ခေါ်ငင်နေသည့် သိင်္ဂါရ ရသ ကဗျာကလေးတပုဒ်။

ကျွန်မကတော့ ကျွန်းဆင်းရဲကို ကျွန်းဆင်းရဲလို့ပဲ မြင်သည်။ သဲခုံမို့မို့၊ ကျောက်ဆောင်တန်းတန်း၊ မစိမ်းစို မလန်းဆန်းသည့် ပင်ခြောက်တချို့ ငူတူတူ ငေါင်စင်းစင်း အမူအရာ၊ ထို လူမနေ ငှက်မနား လိပ်ငါးမခို အထီးကျန်နေခြင်းသည်သာ ကျွန်းဆင်းရဲ၏ ပင်ကိုသဘာဝအလှ။ သူ့သဘာဝနှင့် ပင်လယ်ပြင်ကို လှသည်ထက်လှအောင် စွမ်းဆောင်ကူဖြည့်ပေးနေသည်ဟု ကျွန်မထင်သည်။ မြိတ်ကျွန်းစု ရေပြင်မှာတော့ ကျွန်းဆင်းရဲမပါလျှင် လှပပြည့်စုံမည်မဟုတ်။

နှစ်နာရီခန့် ခုတ်မောင်းလိုက်တော့ မော်တုန်းကြီး႟ွာကို မြင်နေရပြီ။ ႟ွာရှေ့ မနီးမဝေးမှာတော့ ဦးလှသန်းရဲ့ ကျောက်ငါးမွေးမြရြေးစခန်း။ ကျွန်မ ရင်ခုန်သံ နည်းနည်း မြန်လာသည်။

လွန်ခဲ့သည့် လေးနှစ်တာကာလ ကျွန်မ ‘ကမာရင်ကွဲ’ စာအုပ်အတွက် မြိတ်ဒေသသို့ ပြန်လည်ကွင်းဆင်းစဉ်က အဆင်မသင့်သည့်အတွက် ကျောက်ငါးစခန်းသို့ ရောက်ခွင့်မကြုံဘဲ ပြန်သွားခဲ့ရ၏။ သို့ပေမယ့် မြိတ်မြို့ပေါ် ရေပုန်းရပ်ကွက်ရှိ ကျောက်ငါးမွေးမြရြေးကန်တွေဆီတော့ ကျွန်မ ရောက်ဖြစ်သည်။ ကျောက်ငါးကို ပင်လယ်ရေနှင့် မွေးတာချင်းတူတူ မြို့ပေါ်နှင့် ပင်လယ် လုပ်နည်းလုပ်ဟန် ကွဲပြားမှုတွေကိုတော့ ကျွန်မ လေ့လာသွားခဲ့သည်။

‘ကမာရင်ကွဲ’ ဝတ္ထုတိုပေါင်းချုပ်ထွက်ပြီး သီဟရတနာစာပေအတွက် ‘အလွမ်းပင်ဆင့် ကျွမ်းရင်နင့်’ ပင်လယ်ကျွန်းတောင်နောက်ခံ ဝတ္ထုရှည် (လုံးချင်း) တအုပ် ကျွန်မ ရေးဖြစ်သည်။ ဇာတ်ကို ပင်လယ်ကျွန်းတောင်ကြားမှ ချထားသော ကျောက်ငါးကန်မှာ သိမ်းထားသည်။ ကျွန်မ ဇာတ်ကောင် ‘သီတ’ က အစပထမတော့ ကျွဲကူး႟ွာ ရေခူဒိုင် အလုပ်သမား၊ ကုမ္ပဏီသူဌေးသမီးနှင့် ရည်ငံပြီးမှ မိဘတွေကြောင့်ကွဲကာ သီတမှာ ပင်လယ်႟ွာသို့ရောက် ပင်လယ်႟ွာသူနှင့် အိမ်ထောင်ကျ၊ ကျားပါးစပ်လုပ်ငန်းထဲ ရောက်သွားတော့၏။ မိန်းမက သစ္စာမဲ့စွာ ဖောက်ပြားတော့ မီးလောင်မှုနှင့် ထောင်ကျ၊ ထောင်မှထွက်တော့ လူတောထဲ မနေလိုသည်နှင့် လူသူမနီး ကျောက်ငါးစခန်းမှာ အလုပ်သွားလုပ်နေသည်။ ထိုမှာတွင်မှ ကွဲကွာသွားသောငယ်ချစ်က ရှယ်ရာဝင်မည့် လုပ်ငန်းရှင်တယောက်အနေနှင့် ပြန်လာကာ ထိုကျောက်ငါးကန်တွင် ချစ်သူနှစ်ဦး ပြန်ဆုံကြသည်။

ကျွန်မ မရောက်ဖူးဘဲ စိတ်မှန်းနှင့်ရေးလိုက်သော ကျောက်ငါးကန်သို့ ယခုရောက်နေပြီဖြစ်ရာ ကျွန်မသည် အကြီးအကျယ် စိတ်လှုပ်ရှားနေတော့သည်။ ကျွန်မစိတ်ကူးထဲက ထင်မြင်မှုတွေနှင့် အပြင်မြင်ကွင်း တထပ်တည်းကျ၊ မကျ။ ကျွန်မရေးသေားခဲ့မှုတွေ ရှေ့နောက် ဆီလျှော်ညီညွတ်မှု ရှိ၊ မရှိ။ P.P.T စက်လှေ ကျောက်ငါးဖောင်မှာ ကပ်တော့ ကျွန်မ တက်ကြွ႟ွှင်လန်းစွာ ဖြတ်လတ်သွက်လက်နေသည်။

'ဖြည်းဖြည်း၊ ဖြည်းဖြည်း ဆရာမကို တွဲကြဦးဟေ့'

လုပ်ငန်းရှင် ဦးလှသန်း၏ အသံဝါဝါကြီးက ဟိန်းထွက်လာသည်။ အမျိုးသမီးဟူ၍ ကျွန်မတယောက်တည်းပါသဖြင့် ဝိုင်းဝန်း ဂ႟ုစိုက်ကြဟန်တူ။ ဖောင်နှင့် ကန်တွေက တွဲလျက်။ ဖောင်ပေါ်မှ အမိုးအကာပါသည့် အဆောက်အအုံတခု။ ကျောက် ငါးမွေးကန် ပေါင်း ၄၃ဝ ကျော်က တပြန့်တပြော၊ ကန်များရဲ့ ဟိုမှာဘက်မှာ ဟောင်ကောင် ကျောက်ငါးဝယ် သင်္ဘောကြီးတစင်း ဆိုက်ကပ်ထားသည်ကို မြင်ရ၏။ အဆီးအတားမဲ့နေသော်လည်း ပင်လယ်လေသည် နော့နော့ပြေပြေသာ တိုက်နေသည်။ ဖောင်အိမ်ပြတင်းပေါက်များမှာတော့ ကျွန်မရဲ့ ‘အလွမ်းပင်ဆင့်’ ဝတ္ထုထဲမှာလို အပြာရောင်ခန်းဆီးစလွင်လွင် တပ်ဆင်ထားခြင်း မရှိပါ။

ကျွန်မသည် လှလှပပ ဇာတ်လိုက်ကောင်မလေး ‘မေမွန်းခိုင်’ ကို ပင်လယ် ကျောက်ငါးကန်ဆီ မညၟာမတာ တွန်းပို့ခဲ့မိသည်။ ခွင့်လွှတ်ပါတော့ မိန်းကလေးရယ်၊ ကိုယ်ရက်စက်ခဲ့မိတယ်။ သူမကတော့ သူမ ချစ်သူရှိရာ အရောက်လာသူဆိုတော့ ထိုနေ့က မေမွန်းခိုင်သည် စိတ်လှုပ်ရှားစွာ ရင်ခုန်နေပေလိမ့်မည်။

ကျွန်မ ဇာတ်ကောင် ‘သီတ’ (ကိုယ်စားပြု) ဖောင်ကန်လုပ်သားတွေတော့ ဟိုမှာသည်မှာ အလုပ်များနေကြသည်။ ထိုနေ့က ဂျပန်က ပြန်ရောက်လာသည့် သီတချစ်သူ မေမွန်းခိုင်သည် သူမ ဆေင်းနေကျ ဦးထုပ်ပြားကြီးကို ဆောင်းထား၏။

'ဟောင်ကောင်သင်္ဘောထဲ ကျောက်ငါးချမယ်။ ဆရာတို့ ကြည့်ကြမလား'

ကြည့်မှာပေါ့။ ကြည့်ဖို့လာသည့်ဥစ္စာ။ ကျွန်မမှာ ဦးထုပ်ပြားကြီး ပါမလာပေမယ့် ပဝါလေးတပိုင်းတော့ပါသည်။ စူးရဲတောက်ပလာသော နေရောင်ခြည်မှ ကာကွယ်ရန် ကျွန်မပဝါကို ခေါင်းမှာအုပ်လျှက် မေးမှာ သိုင်းချည်လိုက်သည်။

ခြေတဖဝါးချစာ ဖောင်ကန်နှုတ်ခမ်းပေါ် ဆင်းလိုက်တော့ ထိပ်ခနဲ ရင်တုန်သွားသည်။ ပင်လယ်ရေပြင်ထက် ပေါလောပေါ်အောင် ပြုပြင်ထားသည်မို့ လှမ်းလိုက်သည့် ခြေလှမ်းတိုင်း မြဲမြံခိုင်မာမှုမရှိ၊ ႟ုန်းကြွလှုပ်ခါနေ၏။ ဆင်းပြီးမှတော့ ရပ်နေလို့မရ ဆက်လျှောက်၊ ဆက်လျှောက်၊ အလုပ်သမားတွေရဲ့ လက်များ ဆင့်ကမ်းရောက်လာသည်။

"ဘာမှ မကြောက်နဲ့ ဆရာမ၊ ကျွန်တော်တို့ နင်းတဲ့လမ်းအတိုင်းသာ ရဲရဲနင်း"

ဆရာတက်ကသိုလ်ကိုလတ်တို့၊ ဆရာကျော်ရင်မြင့်တို့ကို ကြည့်လိုက်တော့ အမယ် သူတို့က အိနြေ္ဒမပျက်။ အညာသား ဆရာကျော်ရင်မြင့်တောင် မကြောက်လျှင် ကျွန်မ ဘာကိုကြောက်နေရမှာတုန်း။ လောဘတကြီး ဓာတ်ပုံတွေ လိုက်႟ိုက်နေသော ဆရာကျော်ရင်မြင့်ကို ကျွန်မ ကြားအောင် အော်ပြောနေမိသည်။’

'ငါးကန်တွေချည်း ႟ိုက်မနေနဲ့ လူကိုလည်းပါအောင် ႟ိုက်ဦးနော်'
'စိတ်ချ၊ စိတ်ချ'

ပင်လယ်ပြင် ကျောက်ငါးမွေးမြရြေးလုပ်ငန်းကို ၁၉၉၆ ခုနှစ်မှစ၍ Pyi Phyo Tun International Co., Ltd မှ မန်နေဂျင်းဒါ႟ိုက်တာ ဒေါက်တာလွင်အောင်နှင့် ဦးလှသန်းတို့က အကောင်အထည်ဖော် မွေးမြှူခဲ့ခြင်းဖြစ်သည်။ ကန်၏အ႟ွယ်အစားမှာ အလျား ၁ဝ ပေ၊ အနံ ၁ဝ ပေ၊ အနက် ၁၂ ပေတွင် တလက်မခွဲ ပိုက်ကွက်များနှင့် ငါးများဝင်ထွက်လို့မရအောင် တည်ဆောက်ထား၏။ ပိုက်ကန်များကို ဖော့တုံးများ၊ ဖော့ဘောကြီးများ၊ သစ်သားပေါင်ကြီးများဖြင့် ဖွဲ့စည်းထားသည်။

မွေးမြူရန် ဝယ်ယူသော ကျောက်ငါးအ႟ွယ်အစားမှာ အငယ်ဆုံးလေး လက်မအ႟ွယ်ဖြစ်ပြီး။ မွေးကန်ထဲ ၁၄ လ ထည့်ထားပါက ၁ဝ လက်မ၊ ၁၂ လက်မ အ႟ွယ် ရောင်းတန်းဝင် ပြည်ပအဝယ်တော်များအကြိုက် ဖြစ်လာသည်။ ငါးများ ကျန်းမာသန်စွမ်းရန်နှင့် ပုံမှန်ကြီးထွားမှုရှိစေရန် ဒေသခံရေနှင့် ပတ်ဝန်းကျင်အပြင် အစာကြေးမွေးမှုအပေါ် မူတည်သည်။ ပါကေးငါး (ဝါးလတ်ငါး) များကို တနေ့ နှစ်ကြိမ်ကျွေးရသည်။ ငယ်သည့်ငါးကို ကြီးသည့်ငါးက စားပစ်သည့် သဘာဝကြောင့် အ႟ွယ်မတူသည့် ငါးများကို သီးခြားမွေးရသည်။

ကျောက်ငါးမွေးမြရြာတွင် ဖြစ်ပေါ်နိုင်သည့် သဘာဝအန္ဒရာယ်များကြောင့် ဆုံး႟ှုံးမှုများ ဖြစ်တတ်သည်။ ရာသီဥတု ပြောင်းလဲမှုတည်၍ ဖြစ်ပေါ်လာနိုင်သည့် ရေပူရေအေးစီးကြောင်း၊ ရေအောက်သတ္တဝါဖျံများ၊ အခြားငါးကြီးများ ပိုက်ကန်ကိုက်ဖောက် ဖျက်ဆီးခြင်း စသည့် ဆုံး႟ှုံးမှုများ ဖြစ်ပေါ်တတ်သည်။ လုံခြုံမှုအတွက် အောက်စီဂျင်ဗူးများ တပ်ဆင်ထားသော ရေငုပ်ကရိယာများ အသုံးပြုကာ လုံခြုံရေးကို ဂ႟ုစိုက်ကြရသည်။

ကျွန်မတို့ မြင်တွေ့နေရသော ပိုက်ကန်များထဲမှာတော့ ကျောက်ငါးပေါက်ကလေးတွေ စားသုံးသည့်အ႟ွယ် အတိုင်သေးသည့် ကျောက်ငါးပေါက်များကို ရောင်းမှာဆိုတော့ ကျွန်မတို့အားလုံး စိတ်ဝင်စားနေကြ၏ စားသုံးသည့် အ႟ွယ်က တဈေး။ သားပေါက်အ႟ွယ်က တဈေး၊ သူတို့ပြည်မှာ သားဖောက်ဖို့ မအောင်မြင်သေးသေ႟ွ့ ကျွန်မတို့ဆီမှာ ဒေါ်လာတွေ ရနေရမည့်အဖြစ်။

'ဆရာတို့၊ ဆရာမတို့ သင်္ဘောကြီးပေါ် တက်ကြဦးမလား'
'တက်မယ်၊ တက်မယ်'

ဖြေသံထဲမှာ ကျွန်မအသံ အကျယ်ဆုံးဖြစ်မည်ထင်သည်။ တက်မယ်သာ ပြောသည်။ သင်္ဘောကြီးမော်ကြည့်၍ ကျွန်မခေါင်းတော့ နည်းနည်းစားသွားသည်။ ကိုး႟ိုးကားယားတော့ ဖြစ်တော့မယ်ထင်ပါရဲ့။

'ဟေ့ ကောင်တွေ၊ ဆရာမတက်လို့ရအောင် ဖော့တုံးတွေ ပြေးယူကြစမ်း၊ နှစ်တုံးလောက်ပြေးယူ'

ဦးလှသန်းရဲ့ အမိန့်ပေးသံအဆုံးမှာ ဖောင်ပတ်လမ်းအတိုင်း နိမ့်တုံမြင်တုံ ပြေးသွားကြသည်မှာ အသည်းအေးစရာ မကြာမီ ဖော့တုံးကြီးနှစ်တုံး ရောက်လာတော့ ကျွန်မအတွက် အဆင်ပြေသွား၏။

ဝါးဘိုးဝါးရှည်ဖြင့် ဖောင်ကန်ရဲ့ ပိုက်တဖက်စကိုလျှို၍ အတွင်းဘက်သို့ တိုးသွားတော့ ကန်ကျဉ်းသွားကာ ကျောက်ငါးတွေကို ခပ်ရန်အဆင့်သင့်။ ခွက်ဖြင့် ခပ်ယူလာသော ကျောက်ငါးတွေ နှစ်ယောက်လက် နှစ်ယောက်ကမ်းလျက် ကီလိုချိန်ပေါ်ရောက်လာတော့ အလေးချိန်အော်သူကအော်၊ စာရင်းမှတ်သူမှတ်၊ ဂဏန်းပေါင်းစက် နှိပ်သူနှိပ်၊ မြူးမြူးကြွကြွ သွက်သွက်လက်လက် ဆူဆူညံညံ ဖြစ်နေတော့သည်။ ကီလိုချိန်ပြီးသား ငါးတွေကို သင်္ဘောဝမ်းထဲ ထည့်ကြသည်။

'ဒါက သင်္ဘောနားထားစဉ် ရေဟောင်းရေသစ် လဲလှယ်လည်ပတ်တဲ့စနစ်နဲ့ ပင်လယ်ရေ မပြတ်အောင် လုပ်ထားတာပါ။ ဒီစနစ်က သင်္ဘောရပ်နားထားစဉ်မှာသာ သုံးမှာလေ၊ ပင်လယ်ထဲ ခုတ်မောင်းချိန်ကျတော့ ပင်လယ်ရေ အလိုအလျှောက် ဝင်ထွက်နိုင်တဲ့ ဆို့ပေါက်တွေနဲ့ စီစဉ်ထားပါတယ်။

ဦးလှသန်းက ဆို့ပေါက်တွေကိုပြ၍ အသေအချာ လေ့လာကြ၏။

'ဒီလိုနဲ့ တနှစ်ကို ဟောင်ကောင်က ခုနှစ်ခေါက်လောက် လာဝယ်ကြတယ်။ ရောင်းတော့ F0B စနစ်နဲ့ပါပဲ။ အလှမွေးငါးတွေလည်း ကျွန်တော် စမ်းသပ် မွေးထားသေးတယ်။ သူတို့စိတ်ဝင်စားရင် ရောင်းမယ်ပေါ့။ ဒီကပြီးရင် လုပ်ငန်းကို ချောင်းသာဘက်တိုးချဲ့ဖို့ အစီအစဉ်ရှိတယ်။ အဲဒီမှာ ငါးတောက်တူ အနီနဲ့ အနက် နှစ်မျိုးတည်းက အနီက တကီလို ၁၂-၁၃ ဒေါ်လာ ရနိုင်တယ်

ဦးလှသန်း၏ အနာဂတ်မျှော်စင် လှိုင်းလုံးတွေကြား ကျွန်မတို့ မြုပ်ချည်ပေါ်ချည်။ ဓေါ်လာငှက်များသည် တောင်ပံတဖျတ်ဖျတ် ရမ်းခါလျက် အရှိန်အဟုန်ပြင်းစွာ ပျံသန်းလာနေသည်။ အဖိုးတန် ရေအောက်သယံဇာတတွေ ပေးဝေနေသော ပင်လယ်ပြင်ကြီးကို လွမ်းမောချစ်ကြင်စိတ် အပြည့်ဖြင့် လှမ်းကြည့်လိုက်မိသည်။

'ကဲ ဧည့်သည်တွေ ဆာနေရောပေါ့။ တခုခု စားရအောင်"

တခုခုဆိုသော်လည်း ဖောင်အိမ်ပေါ်မှာ ပြင်ဆင်ထားသည်မှာ တခုကမပါ။ ခေါက်ဆွဲကြော်၊ ကြာဇံကြော်၊ အသီးအ႟ွက်နှင့် အသားအစိမ်းကြော်၊ ကြက်သားအကြွတ်ကြော်၊ ကင်းပွန်သုတ်၊ ယိုးဒယားဟင်းချိုတို့နှင့် ထမင်းကို ကြိုက်ရာတွဲဖက် စားသုံးနိုင်သည်။ အချိုရည်ဗူးတွေကလည်း အလျှံပယ်။ ကျွန်မသည် အလွမ်းပင်ဆင့် ဝတ္ထုကလေးကို အထူပင် လွမ်းမိသွားပြန်သည်။ ထိုဝတ္ထုထဲတွင် ဖောင်အိမ်ပေါ်မှ ထမင်းဝိုင်းကလေးကို ဘဝဲ၊ ကင်းမွန်၊ ရေခူ စသော ပင်လယ်စာတွေနှင့် ကျွန်မ စီစဉ်ရေးသားခဲ့သည်။ ယခုတော့ ကျွန်မတို့ ဖောင်အိမ်ပေါ်မှာ ပင်လယ်စာတွေ စားနေကြရပြီ။ တခါတရံ စိတ်ကူးအိပ်မက်တို့သည် ဆုံဆည်းတိုက်ဆိုင် နေကြပြန်သည်။

ကြေညာဘုတ်ပြားပေါ်မှာတော့ စည်းကမ်းချက်တွေကို တန်းစီရေးထား၏။

၁။ ညအချိန် လှေ၊ စက်၊ ဖောင်ကို ဂျူတီသမား မျှောရန်။
၂။ စက်ဖောင်ကို သတ်မှတ်ထားသောနေရာတွင် ထားရန်။
၃။ သတ်မှတ်နေရာမထားဘဲ ပျောက်ဆုံးပါက ဖောင်နှင့် စက်တန်ဖိုး ပေးလျှော်ရမည်။
၎။ ညအချိန် ကမ်းပေါ် ကလူ ပြန်ခေါ်ရန် အချိန်
ပထမအခေါက် ၈:၃ဝ နာရီ
ဒုတိယအခေါက် ၁ဝ:၃ဝ နာရီ
၅။ ဂျူတီလွှဲလျှင် လှေနှင့် ဖောင်လွှဲပါ။

စည်းကမ်းဟူသည် ကုန်းမှာဖြစ်စေ၊ ရေမှာဖြစ်စေ လူတန်ဖိုးကို ပိုင်းခြားသတ်မှတ် မြၟင့်တင်ပေးနေသည်။ အကွပ်၊ ဘောင်၊ စည်းတို့ဖြင့် ထိန်းချုပ်ထားသည့် ဖောင်ကန်ပေါ်မှာ လုပ်သားအင်အား ၄ဝ ကျော်ရှိပြီး၊ ဘိုကလေး အိမ်မဲဘက်မှ များသည်ဆို၏။

'ဒီနေရာမှာ ရပ်ဝေးအလုပ်သမားတွေပဲ ပျော်တယ်၊ ဒီအနီးအနား မြိတ်မြို့ပေါ်ကလူတွေ မပျော်ဘူး။ ဘာလို့လဲဆိုတော့ ဒီမှာ အိမ်ထောင်သည် လက်မခံလိုပဲ၊ အိမ်ထောင်ရှိသူပါလာရင် ဟိုခပ်လှမ်းလှမ်းက မော်တုန်းကြီး႟ွာမှာ ထားရင်ထား ဒီမှာတော့ ထားခွင့်မရှိဘူး'

ခပ်လှမ်းလှမ်းမှာတော့ မော်တုန်းကြီး႟ွာသည် ကျွန်းတောင်ကို ကျောမီ၍ သန့်သန့်ခန့်ခန့် တည်ရှိနေသည်။ ကမ်းနှင့် ငါးဖောင်ကြား ဖောင်သေးသေးကလေးပေါ်မှာ စောစောက ကျောက်ငါးပေါက်ကလေးတွေ ထွက်သွားသော ပိုက်များကို ဆေးကြောသန့်စင်နေကြ၏။ သူတို့ ထမင်း မစားအားကြသေး။ အဝါရောင် ပိုက်ဆီချေးတွေ ပင်လယ်ရေထဲ ဟိုမှသည်မှ စီးမျောနေ၏။

'ပိုက်တွေမှာ ရေမှော်ပင်တွေ ကပ်နေလေ့ရှိတယ်။ ဒါတွေကို မကြာခဏ ဆေးကြောပေးမှ များလာရင် ရေမှော်တွေမှာ ကပ်ငြိနေတဲ့ ရေပိုးတွေက ငါးကြီးငါးငယ်တွေကို အန္တရာယ်ပေးလေ့ရှိတယ်'

"ကျွန်တော်က ဒီနေရာကိုေ႟ွးချယ်တာ ကျွန်းတောင်ကြားမို့ မိုးသက်မုန်တိုင်းဒဏ်မှ ကာကွယ်တာရယ်၊ ရေချို နီးနီးနားနားရတာရယ်၊ ကျွန်းပေါ်က ရေချိုကို ရေအောက်မှာ ပိုက်မြၟုပ်ပြီး ဒီအထိ သွယ်ယူထားတာ"

အချိန်တိုတိုအတွင်း ရှေ့တန်းရောက်လာသော ဦးလှသန်း၏ တွေးတောကြံဆ လုပ်ကိုင်မှုစွမ်းရည်တွေကိုတော့ ကျွန်မစိတ်ထဲ ထပ်ခါတလဲလဲ ချီးကျူးနေမိသည်။ မြန်မာတွေ မညံ့ကြပါ။ သည်ထက် နည်းပညာတွေ တိုးတက်ခေတ်မီလာလျှင်တော့။

'ကဲ ကဲ လှေထဲဆင်းကြ၊ ပြန်ကြပေဦးတော့ ကျွန်တော်တော့ အလုပ်မပြတ်သေးလို့ စပိဘုတ်နဲ့ ပြန်လာမယ်၊ သွားနှင့်ကြ'

ကျွန်မတို့ ဦးလှသန်းနှင့် ကျောက်ငါးစခန်း လုပ်သားတွေကို လက်ပြနှုတ်ဆက်တော့ ကျွန်းရိပ်တောင်ဆွယ်နှင့် ပင်လယ်ရဲ့ ညၟို့ငင်မှုကြောင့် လွှမ်းသလို၊ ဆွေးသလို ရသတမျိုး ခံစားရသည်။ လာလမ်းအတိုင်း ပြန်လာနေသော P.P.T သည် ဣန္ဒေရရ၊ မွန်းတည့်နေကား နံနက်ခင်းကထက် စူးစူးဝါးဝါး ထိုးပူလာသည်။

P.P.T စက်လှေဖြတ်သန်းရာ လမ်းတလျှောက်လုံး အမိုးမပါ လှေပက်လက်ကလေးများ ပင်လယ်ထဲမှာ လက်ညၟိုးထိုးမလွဲ ဟိုမှာသည်မှာ ပြန့်ကျဲလို့။ တလှေမှာ လူရှစ်ယောက် ဆယ်ယောက်၊ လှေနံ တဘက်တချက်မှာ တန်းစီထိုင်လျက် ရေထဲသို့ မျှားကြိုးများချကာ မျှားကြိုးကိုင်လက်များကတော့ သင်တုံ၊ တက်တုံ အပေါ်အောက် လှုပ်ခတ်စွာ။

ပင်လယ်ပြင်ရှိ ကျေး႟ွာနှင့် ကျွန်းများတွင်နေထိုင်သော ရေလုပ်သားများသို့ မတည် ရင်းနှီးငွေများ ထုတ်ပေးကာ အနာအဆာလွတ်ငါးးများ ရရှိစေရန်။ (မျှားချိတ်ဖြင့် မျှားယူရသော) နည်းလမ်းဖြင့် ဖမ်းဆီးကြရသည်။ ကျောက်ကြို ကျောက်ကြားတွင် ကျင်လည်ကျက်စားသော ကျောက်ငါးတို့ကို ငါးစာအဖြစ် ဘဲလည်ဆံမွေးတပ်သော မျှားကြိုးများဖြင့် မျှောယူဖမ်းဆီး နေကြခြင်းဖြစ်သည်။ မော်တုန်းကြီး ငါးဖောင်စခန်းသည် အဖိုးတန်ကျောက်ငါးတို့ကို ကမ်းလင့်ကြိုဆို နေပေလိမ့်မည်။

႟ွာနီးချုပ်စပ်မှ လူတွေအားလုံး ယောက်ျား၊ မိန်းမမကျန် သည်လိုပဲ ကျောက်ငါးမျှား နေ့စဉ်ထွက်ကြသည်တဲ့။ တကောင်ချင်း သွင်းဈေးက ကျောက်ငါးရှာသူတို့၏ ထမင်းအိုးကို လောလောဆယ် ဖြည့်ဆည်းပေးနေသည်။ ပြင်းပြသော မွန်းတည့်တန်ခူးနေသည် အမိုးအကာမဲ့ ကျောက်ငါးမျှားသူတွေရဲ့ ကျောပေါ် အညၟာအတာကင်းစွာ ကျရောက်နေသည်။ မျှားကြိုးကိုင်လက်များ ပွန်းရှအက်ကွဲနေမှာ အသေအချာပင်။

ကျွန်မ အာ႟ုံထဲမှာ စောစောက ဖောင်ကန်ပေါ်မှာ ဒေါ်လာငှက်များသည် တောင်ပံတဖြတ်ဖြတ် ရမ်းခါလျှက် ကြီးမားသောအရှိန်အဟုန်ဖြင့် ပျံသန်းလာနေသည်။ ကျွန်မသည် စိုးရိမ်တကြီး ကောင်းကင်ပေါ်သို့ မော့ကြည့်လိုက်မိသည်။

ဒေါ်လာငှက်များ ဘယ်မှာ နားလေမည်မသိ။

Read More......

နယ်စပ်စီးပွား ရေလုပ်ငန်းနှင့် ကမ်းရိုးတန်းတိုင်းမြို့တော်

အနောက်ဘက်ဒက်ဒမန်ပင်လယ် (ကပ္ပလီပင်လယ်) ဘက်သို့မျက်နှာမူထားသော ကမ်းရိုးတန်း တိုင်းမြို့တော်မှာ ယနေ့မျက်မှောက်စီးပွားရေးမြို့တစ်မြို့အဖြစ် ဂုဏ်ယူဝင့်ထည်လျက်တွေ့ရသည်။ မြောက်ဘက်မှနိမ့်ဆင်းလာသော တောင်စဉ်တောင်တန်းများမှာ ကမ်းရိုးတန်းတစ်လျှောက် ပင်လယ် အတွင်းကျွန်းများအဖြစ် အသွင်ပြောင်းလျက်ရှိနေကြသည်။

ကမ်းရိုးတန်းတိုင်းမြို့တော်မှာ ကျွန်း ပေါင်း ၈ဝဝကျော် (၈ဝ၄ကျွန်း) တို့ ၏ဝန်းရံမှုဖြင့်ခံ့ထည်နေပြီးမြိတ်ကျွန်း စုတစ်လျှောက်လှေကလေးများ ပေါ် တွင်အိမ်ဆောက် နေထိုင်ကြသောဆလုံလူမျိုးများမှာ ဒေသ၏အမှတ်အသားတစ်ခုပင်။ အရှေ့ဘက် နှင့်တောင်ဘက်တွင် နယ်နိမိတ်ချင်းထိစပ်လျက်ရှိတဲ့ ထိုင်းနိုင်ငံမှာဒီဒေသ၏အဓိကကုန်သွယ်ဖက် နိုင်ငံတစ်နိုင်ငံဖြစ်၍တစ်ခုတည်း သောအိမ်နီးချင်းနိုင်ငံတစ်ခုဖြစ်ပေသည်။ စီးပွားရေးအရှိန်အဟုန်မှာ ရေလုပ်ငန်းပေါ်တွင် အဓိကမှီခိုနေလျက်ရှိပြီး ရေသယံဇာတများပေါကြွယ်လှသော ကမ်းရိုးတန်း ဒေသဖြစ်ရာ ရေလုပ်ငန်းကြောင့်ဒိတ်ဒိတ်ကြဲချမ်းသာခဲ့သော ကျွန်းသားများစွာရှိခဲ့သည်။ ကျွန်းများ ပေါ်တွင်ရာသီအလိုက် ဖမ်းဆီးလုပ်ကိုင်ကြသော ရေလုပ်ငန်းအမျိုးအစားများအစုံအလင်ရှိသည်။ တစ်နှစ်ပတ်လုံးလုပ်ငန်းပြတ်လပ်သည်ဟူ၍မရှိကြ။ ဟေလုံ၊ ရေနက်မြုံး၊ ပဂဲ၊ ကင်းမွန် မီးထွန်းလှေ၊ ကျားပါးစပ်၊ ပိုင်လှေ၊ ကျောက်ငို၊ ပုစွန်ပိုက်၊ မြားစင်္ကြာ စသဖြင့် ဒေသအလိုက်သူ့နေရာနှင့် သူ ရာသီမပြတ်လည်ပတ်နေကြသည်။ နယ်စပ်ကုန်သွယ်မှုမှာလည်း အရှိန်အဟုန်မြင့်လှသည်။ တစ်နိုင်ငံ လုံးတွင်ရေထွက်ပစ္စည်းထုတ်လုပ် တင်ပို့မှုအမြင့်ဆုံးဒေသဖြစ်သည်။ ထိုင်း-မြန်မာ နယ်စပ်ဖြတ်ကျော် ကုန်သွယ်မှုစခန်း (မြိတ်)ကို ၁၉၉၉ခုနှစ်၊ ဇူလိုင်လ ၁ရက်၌ စတင်ဖွင့်လှစ်ပေးနိုင်ခဲ့ပြီး ထိုကာ လအတောအတွင်းမှာတိုးတက်မှုအရှိန်အဟုန် အကောင်းဆုံးကာလဖြစ်ခဲ့ပေသည်။ နယ်စပ်ကုန်သွယ်မှု မှတစ်ဆင့်ရေထွက်ပစ္စည်းများ အဓိကတင်ပို့ခဲ့ရကာရေလုပ်ငန်းကုမ္ပဏီများ အပြိုင်အဆိုင် ပေါ်ထွက် ခဲ့ပြီးလူငယ်ပညာတတ်များ အလုပ်အကိုင်အခွင့်အလမ်းများစွာပွင့်ခဲ့သည်။ ဒေသခံများအလုပ်အကိုင် အများအပြားရရှိခဲ့သလို ရေလုပ်ငန်းကိုမှီ၍ မြိုးမြိုးမြက်မြက်ရခဲ့ကြသူများ လည်းထုနဲ့ဒေး။
.
Ref : Myanmar Times

၂ဝဝဝပြည့်နှစ်လွန်တွင်အပြည်ပြည်ဆိုင်ရာငါးလေလံဈေး (MIFAM)ကို ပြည်ပလုပ်ငန်းရှင် များကလာရောက်ဖွင့်လှစ်ရသည် အထိရေလုပ်ငန်းအရှိန်အဟုန်ကောင်းခဲ့သည်။ တကယ်တမ်းတွင် ကမ်းရိုးတန်းတိုင်းမှာရေလုပ်ငန်းတစ်ခုတည်းဖြင့် ကျော်ကြားခဲ့သည်မဟုတ်။ ရေလုပ်ငန်းအပြင် ပုလဲ ထုတ်လုပ်ရေး၊ ငှက်သိုက်၊ မီးသွေး၊ ရော်ဘာ၊ ဆီအုန်း၊ တွင်းထွက်၊ သစ် စသည်ဖြင့်နိုင်ငံ တော်အ တွက်ဝင်ငွေကောင်းသော လုပ်ငန်းအများစုကို ပိုင်ဆိုင်ထားခဲ့သောဒေသတစ်ခုဖြစ်ပေသည်။ ပုလဲ ကျွန်းနှင့်ရေကျွန်းမှာ ပုလဲထုတ်လုပ်ရာတွင်အဓိကကျွန်းများဖြစ်ပြီး ရေအေးငှက်သိုကကျွန်း၊ မလိငှက် သိုကကျွန်း၊ သဘာဝငှက်အိမ်များမှအဖိုးတန်ငှက်အန်ဖတ်များ ရရှိလျက်ရှိသည်။ တန်ဖိုးကြီးမား သော ငှက်သိုက်များကြောင့် မြို့ပေါ်နေလူတန်းစားများသည်ပင်ငှက်ခေါ်စက်များ အပြိုင်အဆိုင် တပ်ဆင်ကာ ဇီဝဇိုးငှက်ကလေးများကိုမြဆြွယ်လာခဲ့ရာ ၂ဝဝ၅ ခုနှစ်၌အတွင်ကျယ်ဆုံးဖြစ်ခဲ့သည်။ စိုက်ပျိုးရေးကဏ္ဍများ၌ရွှေဖြဟြု တင်စားခေါ်ဝေါ်ရသောရော်ဘာများလည်း တစ်နိုင်ငံလုံး၌ ဒုတိယ အများဆုံးထုတ်လုပ်နိုင်လျက်ရှိပြီး ဆီအုန်းစိုက်ပျိုးမှုမှာတစ်နိုင်ငံလုံး၌နံပါတ်တစ်ဖြစ်သည်။ ၂ဝဝ၅-၂ဝဝ၆ ခုနှစ်အတွင်း၌ဆီအုန်းစိုက်ခင်းဧက ၁၆၄၃၇၅ အထိရှိနေပြီဖြစ်ပြီး ငါးနှစ်စီမံကိန်းပြီးဆုံးသည့် ၂ဝဝ၉ ခုနှစ်တွင်ရည်မှန်းချက်ဧကငါးသိန်းကို ကျော်လွန်သွားမည်ဖြစ်သည်။ ပြည်တွင်း စားသုံးမှု ဖူလုံရန်အတွက်မှာ ဧက ၃ဝဝဝဝဝ လိုအပ်မည်ဖြစ်ရာ ကမ်းရိုးတန်းတိုင်းအနေနှင့်နိုင်ငံတော်၏ စား သုံးဆီလိုအပ်ချက်ကို ဖြည့်ဆည်းပေးနိုင်သော မြန်မာပြည်၏ဆီအိုးကြီးဖြစ်လာပေတော့မည်။ ကမ်း လွန်ရေနံနှင့်သဘာဝဓာတ်ငွေ့များလည်းထွက်ရှိနေပေသည်။ နယ်စပ်ပို့ကုန်များအနေနှင့် ရေထွက် ပစ္စည်းသီးသန့်နှင့်ပင်တစ်နှစ်လျှင် အမေရိကန်ဒေါ်လာသန်း ၃ဝအထက်မှာ ရှိနေပေသည်။
၂ဝဝ၄-၂ဝဝ၅ဘဏ္ဍာနှစ်၌ နယ်စပ်ကုန်သွယ်မှု(ရေထွက်ပစ္စည်း) ပမာဏတန်ဖိုးမှာ အမေ ရိကန်ဒေါ်လာသန်းပေါင်း ၃၄ဒသမ ၁၆၁သန်းရှိပြီး ၂ဝဝ၅-၂ဝဝ၆ ဘဏ္ဍာနှစ်အတွင်း၌ နယ်စပ် ကုန်သွယ်မှု (ရေထွက်ပစ္စည်း) ပမာဏတန်ဖိုးအမေရိကန်ဒေါ်လာသန်းပေါင်း ၃၈ဒသမ ၂၃ဝ သန်း ရှိလာရာ တစ်နှစ်လျှင် ဒေါ်လာလေးသန်းကျော်တိုးနှုန်းရှိနေပေသည်။ ပင်လယ်ပြင်အတွင်း၌ လုပ် ကိုင်လျက်ရှိသော ကမ်းနီး၊ ကမ်းဝေးငါးဖမ်းစက်လှေများအတွက်အဓိကလိုအပ်ချက်ဖြစ်သော လောင် စာဆီဈေးနှုန်းနှင့် Invoice အမျိုးအစားမှာပါတဲ့ငါးရှားပါးလာနိုင်သော အခက်အခဲတချို့မကြုံတွေ့ နိုင်ရန်မှာအရေးကြီးပေသည်။ ကမ်းရိုးတန်းတိုင်းမြို့တော်၏စီးပွားရေးဖွံ့ဖြိုး မှုမှာပင်လယ်ပြင်ကြီးပေါ် ၌မှီတည်နေရာရေလုပ်ငန်းဖွံ့ဖြိုးမှုမှာအရေးပါလှသည်။ ရေလုပ်ငန်းနှင့်အကျိုးပေး၍ သူဌေးဘွဲ့ခံယူ သွားသူများရှိသလို အကျိုးမပေး၍လူမွဲဖြစ်သွားရသူများလည်းတစ်ပုံတစ်ပင်ရှိသည်။ ရေလုပ်ငန်းဖွံ့ ဖြိုးမှ ၎င်းနှင့်ဆက်နွှယ်နေသောကုန်းပေါ်ရှိလုပ်ငန်းများမှာလည်း အလိုက်သင့်ချောမွေ့နိုင်မည် ဖြစ် သည်။ ၁၉၉ဝပြည့်နှစ်များတွင် စီးပွားရေးအရှိန်အဟုန်အားကောင်းလာမှုနှင့်အတူ ကျေးရွာနေ လူထုများမြို့ပေါ်သို့ တဖြည်းဖြည်းအခြေချနေထိုင်လာခဲ့သည်။ ၁၉၈၃ တွင် မြိတ်မြို့နေလူဦးရေမှာ ၈၈၆ဝဝ ရှိရာမှ ၂ဝဝဝပြည့်နှစ်တွင် ၁.၃၅ သန်း (၁ စတုရန်းမိုင်လျှင် ၇၆ယောက်နှုန်း)အထိ တိုး တက်လာခဲ့သည်။ မြို့သစ်၊ အင်းလေးမြိုင်စသော ရပ်ကွက်များတွင်နေထိုင်အခြေချ သူများပေါများ ခဲ့ပြီးဈေးကွက်ကျယ်ပြန့်ထွက်လာသည်။ အင်းလေးမြိုင် ဒေသမှာရွှံ့ပြင်ကြီးအဖြစ်မှ စက်ရုံကြီးများ၊ ကုမ္ပဏီကြီးများ၊ လူနေအဆောက်အအုံများဖြင့် စီးပွားရေးဇုန်တစ်ခုဖြစ်သွားသည်။ ပထော်၊ ပထက်၊ တောင်ကြီးနှစ်ခုတွင် စက်ရုံအအေးခန်းများ၊ လှေထောင့် (လှေကျင်း) များဖြင့်စည်ကားခဲ့သည်။
ယနေ့မျက်မှောက်ခေတ်တွင် လူနေတိုက်တာအဆောက်အအုံများမိုးပေါ် သို့ အလုအယက် ထိုးထွက်လာပုံမှာ ကမ်းရိုးတန်းတိုင်း၏ဖွံ့ဖြိုးမှုသာဓကတစ်ခုပင်။ ဈေးကွက်ချဲ့ထွင်မှုများ၊ ယှဉ်ပြိုင်မှု များ၊ ကြော်ငြာကဏ္ဍများမှာအားကောင်းလာခဲ့သည်။ စီးပွားရေးလောကမှာ ပြိုင်ဆိုင်မှုရှိမှ တိုးတက် သည်။ လုပ်ငန်းတစ်ခုကို တစ်ကိုယ်တည်းပြိုင်ဆိုင်မှုကင်းမဲ့စွာလုပ်ကိုင်နေပါက တိုးတက်မှုကို မတိုင်း တာနိုင်သလိုတိုးတက်မှုလမ်းစမှာလည်း ပျောက်နေမည်ဖြစ်သည်။ တစ်ခေတ်တစ်ခါဆန်းသစ်သော ပြိုင်ဆိုင်မှုရှိသော ပေါ်ပင်လုပ်ငန်းကလေးများလည်း ပေါ်ပေါက်ခဲ့ဖူးသည်။ ၁၉၇ဝ ကျော်တစ်ဝိုက်ပီ နန်လှေခေတ်ကောင်းခဲ့ချိန် ကျွန်းတချို့၊ ကျေးရွာတချို့ကောင်းစားခဲ့သည်။ အခုချိန်တွင်တော့ ထိုရွာ များမှာ အရင်တစ်ချိန်ကာလများနှင့်ကွာခြားခဲ့နေပြီ။ `မြိတ်မြို့ရဲ့ဓလေ့စရိုက်တစ်ခုကတော့ကြည့် တတ်တဲ့အကျင့်ရှိတယ်၊ စွန့်ဦးတီထွင်သူတစ်ယောက်အောင်မြင်သွားရင် ဒီလူလုပ်တဲ့လုပ်ငန်းကို အ ပြိုင်အဆိုင်လိုက်လုပ်တတ်ကြတယ်´ လို့ဘဏ်မန်နေဂျာတစ်ဦးကသုံးသပ်ပြောဆိုခဲ့ဖူးသည်။ ထိုကဲ့ သို့ပင်မြိတ်မြို့၌ ပေါ်ပင်လုပ်ငန်းစုကလေးများ အလျှိုလျှိုပေါ်ပေါက်ခဲ့ပြီးတချို့ လုပ်ငန်းများမှာလုပ်စ၌ မြိုးမြိုးမြက်မြက်ရသွားကြပြီးနောက်ပိုင်း၌ အပြိုင်အဆိုင်များကာဈေးကွက်ပျက်၍ ပျောက်ကွယ်သွား သောလုပ်ငန်းများစွာရှိသည်။ ရေခဲထုပ်ပို့တယ်၊ စက်ဘီးငှားတယ်၊ ကာရာအိုကေဆိုင်ဖွင့်တယ် လူအ တော်များများလိုက်လုပ်ခဲ့သည်။ ၎င်းလုပ်ငန်းမှာလည်းအပြိုင်အဆိုင်များကာ ဈေးကွက်ပျက်၍ ပျောက်ကွယ်သွားသော လုပ်ငန်းများထဲကတချို့ပင်။ ၂ဝဝ၅-၂ဝဝ၆ ခုနှစ်ပိုင်းမှာတည်းခိုခန်း၊ ဟို တယ်၊ ရေသန့်၊ Digital Photo ဆိုင်များ၊ ကွန်ပျုတာမိတ္တူဆိုင်များဖွံ့ဖြိုးလာသည်။ ဂျာနယ် ဆိုင်များအစီအရီထွက်လာသည်။ တိုးတက်၍ပြိုင်ဆိုင်မှုရှိသောလုပ်ငန်းစုလေးများပင် လုပ်ငန်းခိုင်မာ မှုရှိ၍ရေရှည်ရပ်တည်နိုင်ကြသည်။
၁၉၉၇ ခုနှစ်မှစတင်ခဲ့သော ဆိုင်ကယ်တက်ကစီလုပ်ငန်းမှာလည်း ၂ဝဝ၆ ခုနှစ်အရောက်တွင် ခိုင်မာသောလုပ်ငန်းတစ်ခုအဖြစ် အမြစ်တွယ်လာခဲ့ပြီး ဆိုင်ကယ်တက်ကစီလုပ်ငန်းကြောင့် ထောင်ပေါင်း များစွာသောအလုပ်လက်မဲ့ င်္ပြံနာများကိုဖြေရှင်းနိုင်ခဲ့သည်။ ပို့ဆောင်ရေးကဏ္ဍများတွင်လည်း ကုန်းကြောင်း၊ ရေကြောင်း၊ လေကြောင်းအားလုံးသွားလာနိုင်သည်။ ၁၉၉၉ခုနှစ်မှစတင်ခဲ့သော အမြန် ရေယာဉ်ပို့ဆောင်ရေးမှာ အရေးပါဆုံးအခန်းကဏ္ဍမှပါဝင်နေသည်။ ထိုစဉ်ကအမြန်ရေယာဉ် တစ်စင်း တည်းဖြင့် စတင်ခဲ့သောပို့ဆောင်ရေးမှာ အထူးအောင်မြင်မှုရှိပြီး ၂ဝဝ၆ ခုနှစ်တွင်မူလိုင်းသုံးလိုင်း အမြန်ရေယာဉ် ၁ဝစင်းအထိရှိလာသည်။ ဒေသတွင်း၌နေ့ချင်းရောက်သွားနိုင်သော အမြန်ရေယာဉ် များမှာ ဒေသခံများအတွက်အဓိကအားထားရာဖြစ်လာခဲ့သည်။ မြိတ်-ရန်ကုန် လေကြောင်းလိုင်းများ၊ မှန်လုံကားများနေ့စဉ်အဝင်အထွက်ရှိသည်။ ၂ဝဝ၄-၂ဝဝ၅ ခုနှစ်၌မြိတ်-ကော့သောင်း ခရီးသည်ပို့ ဆောင်ရေးကားလိုင်းများပေါ်ထွက်လာခဲ့ပြီး ကြယ်ငါးပွင့်သင်္ဘောများ၊ ကုန်လှေများလည်း အဝင်အ ထွက်မပြတ်ပေ။ ခရီးသည်ပို့ဆောင်ရေးများ၊ ခရီးသွားလုပ်ငန်းများ၌ဝန်ဆောင်မှုတွင် ကျယ်လာ သော်လည်း ခရီးသွားဆွဲဆောင်နိုင်မှုအခြေခံပိုင်းများ အားနည်းလျက်ရှိနေသည်။ စီးပွားရေးအရ ရင်းနှီးမြှုပ်နှံရန် အခွင့်အလမ်းကောင်းများရှိနေသော ကမ်းရိုးတန်းတိုင်းမှာပြည်တွင်း၊ ပြည်ပခရီး သွားများအဝင်ထွက်များသော်လည်း အပန်းဖြေစရာနေရာများမှာအလွန်ရှားပါးနေသေးသည်။ ကမ်းရိုး တန်းတိုင်း၏မြို့တော်ဟူသော အင်္ဂါရပ်နှင့်ညီမျှစေရန်အများပြည်သူအပန်းဖြေရန် အဆင့်မီပန်းခြံများ၊ အထင်ကရနေရာများ၊ စွန့်စားခရီးသွားရောက်လိုသူများအတွက် ကဋ္ဋန်းပေါင်း ၈ဝဝကျော်မှာ ဆွဲ ဆောင်မှုတစ်ခုဖြစ်ရာ ဝန်ဆောင်မှုလုပ်ငန်းများမှာမရှိမဖြစ်လိုအပ်မည်ဖြစ်သည်။ ရှည်လျားလှသော ကမ်းရိုးတန်း၊ လှပသောကဋ္ဋန်းပဒေသာကြီးများ၊ ရေပေါ်နေဆလုံတိုင်းရင်းသားများ၏ နေထိုင်မှု ဓလေ့၊ ရေသယံဇာတပေါကြွယ်မှုများက ပြည်ပအရင်းအနှီးများ၊ လေ့လာသူများကို လက်ယပ်ခေါ် နေသယောင်၊ ရာသီပေါ်ရေလုပ်ငန်းများမှာလည်း အချိန်အခါအကိုက်လုပ်နိုင်၊ အသုံးချနိုင် ပါကလက် ဖျားတွင်ရွှေသီးနေဦးမည့် အချိန်အခါကောင်းများမှာ ဆိုက်ရောက်လာဦးမည်မှာမလွဲအသုံးချ နိုင်မှု သာအရေးကြီးဆုံးပင်။

Read More......

နွေနေ့လည်ခင်းအိပ်မက်

ရာသီဥတု ကြည်လင်ပြီး လေတဖြူးဖြူး တိုက်နေတဲ့ ဒီလို ဆောင်းနေ့လည်ခင်းလေးမှာ ကိုယ့်ရဲ့ဒေသက ပင်လယ်ကမ်းစပ်မှာ... ရေဒီယိုလေးတစ်လုံး၊ စာအုပ်တစ်ချို့၊ (မြန်မာပြည်က) လက်ဖက်ရည်ကျဆိမ့်လေး ဒါမှမဟုတ် အုန်းရည်ချိုချိုလေးနဲ့ .... ဆိုရင် ဘန်ကောက်က နီယွန်မီးရောင်စုံ၊ အဲယားကွန်းလေအေး၊ နဲ့ မိတ်ကပ်နံ့ (အပေါစားတော့မဟုတ်)မွှေးမွှေး ညတစ်ချို့နဲ့ လဲလိုက်ချင်ပါရဲ့။ .

Read More......

Horn Essentials in Some Countries!

ကမ်ပူးချား(Cambodia)မြို့ တွေရဲ့လမ်းမပေါ်မှာ တောကောင်တွေရဲ့အော်သံတွေနဲ့ ဖုံးလွမ်းနေတယ်လို့ သိရပါတယ်။ အကြောင်းကတော့ ယာဉ်သုံးစွဲသူတွေကြားမှာ သူတို့ရဲ့ ကား၊ဆိုင်ကယ်ဟွန်းသံတွေကို တိရစ္ဆာန် အသံတွေနဲ့ အစားထိုးခြင်းဟာ Popular ဖြစ်လာနေလို့ပါ။ ဒါပေမယ့် ဒီအသံတွေကြောင့် ယာဉ်တိုက်မှုတွေ ပိုများလာစေလို့ မသုံးရဘူးလို့ ရဲတွေက မကြာသေးခင်က တားမြစ်ချက် ထုတ်ပြန်လိုက်ပါတယ်။

ဟွန်းနဲ့ပတ်သက်လို့ ပြောရရင် ထိုင်းမှာ ဟွန်းသံကို သင်သိပ်ကြားမိမှာ မဟုတ်ပါဘူး။ သူတို့အတွက်ကတော့ ဟွန်းသံဟာ သတိထားအသုံးပြုရ မှာပါ။ မြန်မာတွေကတော့ ဟွန်းကိုအသင့်အသင့် အသုံးပြုတယ်လို့ ထင်ပါတယ်။

ဟွန်းအသုံးများတဲ့ နိုင်ငံတစ်ခုကတော့ ကျွန်တော်တို့အိမ်နီးချင်း အိန္ဒိယပါ။ ဟွန်းဘယ်လောက် အရေးပါသလဲဆိုရင် တစ်ခါတုန်းက Mombai မှာ ထိုင်းခရီးသွား တစ်ယောက်က သူ့ရဲ့ယာဉ်မောင်းကို တစ်နေရာ လိုက်ပို့ဖို့ ပြောပါတယ်။ ယာဉ်မောင်းက ဒီနေ့ကားပျက်နေလို့ မမောင်းနိုင်ကြောင်း ငြင်းပါတယ်။ မနေ့ကအကောင်းကြီးရှိလို့ စီးပြန်လာခဲ့တာပဲ။ ဒါဖြင့်ရင် သူ့ကားမထွက်နိုင်လောက်အောင် ဘာပျက်နေသလဲ မေးကြည့်လိုက်တော့ ဟွန်းပျက်နေလို့ပါတဲ့၊ ကောင်းရော။

ဒါနဲ့ ကားမောင်းသမားက India မှာ ကားမောင်းရင် ၃ မျိုး ကောင်းရမယ်လို့ ပြောပါတယ်။ ဘာလဲဆိုတော့
1. Good Horn, 2. Good Brake, and ....... 3. Good Luck ပါတဲ့။

Read More......

Myeik - Islands Town

It was my trip in September 2007 to the capital of the Southern of Myanmar. It's is a busy fishing port, and major logistics hub of Southern Myanmar. Apart from seafood that flourishes people's living, it also produces many local crops products like rubber, betel nut, coconut, cashew nuts. Myeik is famous for stills (compared to other places) virgin Archipelago of Mergui with 800 islands and islets, and its natural "Southern Pearl", and well-known for gradually extinct sea live people "Morgan".

Read More......