လစက်ဝန်း

ကျွန်တော် ငယ်ငယ်တုန်းက ငွေလမင်း နဲ့ သိပ်မစိမ်းပါဘူး။ လသာသာမှာ အိမ်အပြင်ထွက်ပြီး စကားပြောကြ ဆော့ကစား. ကြတာကို မှတ်မိနေပါသေးတယ်။ တော်တော်ကြီး ပျော်ခဲ့ကြတာကိုလဲ အမှတ်ရနေပါသေးတယ်။ အခုတော့လဲ လူနေမှုပုံစံပြောင်းသွားတာရယ်၊ အချိန်သိပ်မပေးနိုင်တော့ တာရယ်ကြောင့် လရောင်အောက်မှာ သာယာကြည်နူးမှုကို အချိန် သိပ်မပေးနိုင်တော့ပါဘူး။ တစ်ခါတစ်လေတော့ သွားလာရင်းနဲ့ လပြည့်ညလိုမျိုးမှာတော့ ခဏလေးလောက်တော့ ငေးမောမိပါသေးတယ်။

လ ကို နေ့တိုင်းလိုလို တွေ့ဖြစ်ကြပေမယ့် လရဲ့ သဘောသဘာဝကို ကျွန်တော်တို့ (အခုခေတ်လူငယ်) ဘယ်လောက်များ လေ့လာသတိပြုမိကြ ပါသလဲ။

- လဟာ ပြက္ခဒိန်တစ်လ (သိုးဆောင်းတွေရဲ့ ရက်အရ ဆိုရင်တော့ ၂၉ ရက် နဲ့ ၁၂ နာရီလောက်ပါ။) မှာ တကြိမ် ပြည့်တယ် ဆိုတာတော့ ဗုဒ္ဓဘာသာ ရေးပွဲတွေကြောင့် ကျွန်တော်တို့ဆီမှာ လူတိုင်းနီးပါး သိကြမှာပါ။
- လ (သူရာနေမင်းကတော့ လလောက်သိပ်မသက်ရောက်ပါဘူး) ကြောင့် ဒီရေအတက်အကျ ဖြစ်ရတယ်ဆိုတာ ကျွန်တော်တို့ ပင်လယ်ကမ်းစပ်မှာ ကြီးပြင်းလာတဲ့ လူတိုင်းသတိထားမိပါရဲ့လား။ လပြည့်၊ လကွယ်ညတွေမှာ ရေကြီးတယ်ဆိုတာ သတိထားမိပါရဲ့လား။
- မမြင်ရတဲ့ စန္ဒာလမင်းရဲ့ ဆွဲအား (Gravity Force - ဒြပ်ထုရှိတဲ့ အရာဝတ္ထု နှစ်ခုကြားမှာ သက်ရောက်တဲ့အား၊ ဒြပ်ထုကြီးလေ၊ အကွာအဝေးနီးလေ ဆွဲအားကောင်းလေ) ကြောင့် ရေအတက်အကျ ဖြစ်ရပါတယ်ဆိုရင် ယုံတမ်းစကားဖြစ်တဲ့ လပြည့်၊ လမိုက် ညတွေမှာ တစ်ချို့လူတွေ စိတ်ဖောက်ပြန်မှုတွေ ဟာ အခြေအမြစ် ရှိပါရဲ့လား။ ဘာကြောင့် ဗုဒ္ဓဘာသာ ရဲ့ နေ့မြတ်အားလုံး ဟာ လပြည့်နေ့တွေမှာ ကျရောက်နေပါသလဲ။ စာရေးဆရာမ ဂျူးဟာ လနဲ့ပတ်သက်ပြီး သူ့ရဲ့ဝတ္ထု အတော်များများ မှာ ထည့်ရေးပါတယ်။ ”မြရဲ့လ”၊ ဘာတို့
- ကျွန်တော်တို့ ကမ္ဘာမြေအတူနေ တိရိစ္ဆာန်မျိုးစိတ် တစ်ချို့ဟာ ဆိုရင်လဲ လစက်ဝန်း အတိုင်း ထူးခြားတဲ့ အပြုအမူတွေ ရှိကြတယ်လို့ "Animal Planet" အစီအစဉ် တွေမှာ တွေ့ဘူးပါတယ်။

ဒါနဲ့ ဒီပို့စ် ရေးဖြစ်စေတဲ့ အကြောင်းလာပါပြီ။ ကျွန်တော်တို့ဟာ နေမင်းကြီးဟာ အကြမ်းဖျင်းအားဖြင့် ဒေသစံချိန် မနက် ၆ နာရီ လောက်မှာ တက်ပြီး ညနေ ၆ နာရီလောက်မှာ ဝင်တယ်ဆိုတာ သိကြပါတယ် (ဆောင်းနဲ့ နွေတော့ နဲနဲကွာပါတယ် ။ ဆောင်းမှာ နေထွက် နောက်ကျပြီး။ နေဝင်စောပါတယ်။ ကမ္ဘာကြီးက သူ့ဝင်ရိုးပေါ်မှာ ၂၃.၅ ဒီဂရီ စောင်းပြီး နေမင်းကြီးကိုပတ်နေလို့ပါ။ မစောင်းဘူးဆိုရင်တော့ ဆောင်းနွေဥတုတွေ၊ နေ့တာတိုရှည်တာတွေ မရှိနိုင်ပါဘူး။ နေ့နဲ့ညပဲ ရှိမှာပါ။) လမင်းကြီးကော ဘယ်အချိန်ဝင်ထွက်တယ် ဆိုတာ သတိထားမိကြပါသလား။

လရဲ့ ဝင်ထွက်ချိန်က သူ့ရဲ့ စက်ဝန်း(တစ်နည်းအားဖြင့်) လရဲ့အနေအထားပေါ် မူတည်ပါတယ်။ လဟာ ကမ္ဘာကြီးနဲ့ နေမင်းကြီးကြား ပြင်ညီမျဉ်းဖြောင့်အတိုင်း ရောက်နေလို့ ရှိရင် လမိုက်ည အဖြစ် ကမ္ဘာမြေပေါ်က မြင်ရမှာ ဖြစ်ပါတယ်။ လမိုက်ညဆိုတော့ လထွက်ချိန်၊ ဝင်ချိန် ဘယ်ရှိပါ့မလဲနော်။ ဒီအတိုင်းပါပဲ ကမ္ဘာကြီးက အလယ်မှာ ရောက်နေလို့ ရှိရင်တော့ လပြည့်ညအဖြစ် မြင်ရမှာ ဖြစ်ပါတယ်။ အချိန်ကတော့ အကြမ်းဖျင်းအားဖြင့် နေစဝင်တဲ့ အချိန်ကနေ မနက်အထိပါပဲ။ နောက်တစ်ခု ကြည့်ကြပါစို့။ လတစ်ဝက် ရှိတဲ့ လဆန်း ၈ ရက်လောက် (First Quarter) ကိုကြည့်ကြပါစို့။ လဟာ နေစဝင်ကတည်းက ထွက်လာပြီး ညသန်းခေါင် မှာဝင်သွားတာ တွေ့ရပါလိမ့်မယ်။ အမှန်က လကိုနေ့လည် ၁၂ နာရီလောက်ကတည်းက မြင်နေရပါပြီ။ ဒါပေမယ့် နေမင်းရဲ့ စူးရှတဲ့ ပြင်းအားကြောင့် မြင်ချင်မှ မြင်ရပါလိမ့်မယ်။ ဒီတော့ ကျွန်တော်တို့ ဟာ အလင်းရောင် အခြေအနေ ပေးမယ် ဆိုရင် နေ့လယ် ၂ နာရီ ။ သို့ ညနေ ၄ နာရီမှာ လဲ မြင်ချင်မြင်နိုင်ပါတယ်။ ဒီအတိုင်းပါပဲ လဆုတ်၈ရက် (Third or Last Quarter) ဆိုရင်လဲ မြင်နိုင်ချိန်က ညသန်းခေါင်ကနေ မနက်အထိပါ။ ဒါဆိုရင် ကျွန်တော်တို့ဟာ လရဲ့ ဝင်ထွက်ချိန်ကို ကြည့်ပြီး လဆန်းလား၊ လဆုတ်လား ဆိုတာ ပြောနိုင်တာပေါ့။

ကိုးကား - ဝီကီပီဒီယာ